jungjunan

Wengi ngalangkung kajanari
Mapag impènan nu tos lami ngantosan
Jangkrik ngeucrèkan hariring angin
Tatabuhan simpè anu mirig igel panglamunan

Asa jauh panineungan
Pikiran kumalayang ngawawaas mangsa nu can kaliwatan
Ngampleng jauh ngalewihan lèngkah
Kadang mundur nyinyipta waktu kapungkur
Basa urang munggaran patepang

Jungjunan,,
Mun pareng ningali bulan
Bulan sapasi anu basa harita nyarengan
Cahayana nyaangan harepan urang duaan
Mugya manjang tug dugi jadi purnama

Jungjunan,
Najan ayeuna bulan teu datang nèmbongan
Cahayana aya dina hatè urang duaan
Moal pareum sanajan robahna jaman
Cahaya asih dina ridho Pangèran